Attraktivi Wohnigäfär Familiä, Paariund Singles


´Z vielfältiga Wohnigsagibot bietut fär jedäs Läbunskonzäpt där passund Grundriss, dass mu sich där individuell Wohntröim cha ärfillu. Die hällu 2.5- bis 4.5-Zimmer-Wohnigä mit offunär Chuchi und Eichuparkett sind mit hochwärtigu Materialiä und modernu Chuchigräti üsgschtattut. Schi heind alli ä privati Terrassu, ä Loggia oder än Gartusitzplatz und därzüä äs praktischus Reduit/Abschtellrüümji. Näbund du ideal proportioniertu Wohnigä besticht die Niiwi Gliserallee öi dur ihri schnörkellosi, klari Architektur und där hofartig, begrienti Üssuberiich. Die verchehrsfriji Piazza mitum Spielplatz fär d´Chindär bildut än iiladundä Träffpunkt fär d´Bewohnär va där Siedlig. Fär d´Mieter stehnd in där Iischtällhallu 47 Parkplätz zär Värfiegig.

WohnigsagibotMuschterwohnig

2.5-Zimmer-Wohnigä

Die attraktivu 2.5-Zimmer-Wohnigä eignund sich perfäkt fär Singles und Paari. Schi kombinierund äs clever durchdeichts Platzagibot mit ära hochwärtigu Üsstattig wie Eichuparkett, Boduheizig, Chuchini mit Granitabdäckig, Glaskeramikofu, Gschirr­wäsch­maschinu und Wäschturu. Gross­flächigi Pfeischtär verbinund där hälli Wohnberiich fascht nahtlos mit du gschitztu Loggia oder dum Gartusitzplatz (EG im Hüüs B) und rundund där pärsönlichi Friirüüm perfäkt ab.

2.5-Zimmer-Wohnigä

3.5-Zimmer-Wohnigä

Die praktischu, güet möbilierbaru Grundrissa va du 3.5-Zimmer-Wohnigä bietund viel Rüüm fär Privatsphäru in där durgmischtu Siedlig. Där modärn Üsbüw mit Eichuparkett, offunu Chuchini mit Granitabdäckig, Glaskeramikofu und Gschirrwäschmaschinu sorgut fär viel agnehmä Wohnkomfort, wa zum Gniessu und Wohlfühlu iiladut. Därzüe treit öi än privatä Üssubiriich in där Forum vanära grosszigiga Dachterrassu (bi du 6 attraktivu Attikawohnigä) oder ännera Loggia mit rüümhoochu Pfeischtär bii, wa mitum Wohnbiriich värbundni sind und zum Verwiilu iiladund. Alli 3.5-Zimmer-Wohnigä heind Boduheizig und än eigundä Wäschturu.

3.5-Zimmer-Wohnigä

4.5-Zimmer-Wohnigä

Die grosszigigu 4.5-Zimmer-Wohnigä im Hüüs C heind alli ä privati Loggia. Schi bietund viel Liecht und Atmosphäru und fär Familiä d´Mäglichkeit, sich ihru pärsenlichu Wohntröim nach ihru Bedürfnis z´verwirklichu. Schi bestächund dur ihru attraktivu Grundriss mit offunu Wohn-/Ässberiich und ihri grosszigig dimensioniertu Zimmer, wa viel individuelli Gschtaltigs- und Iirichtigsmäglichkeitä bietund. Die qualitativ hochwärtigi Materialisierig mit Eichuparkettbodu, Glaskeramikofu, Gschirrwäschmaschinu, Fiinschteiziig-Boduplattä im Bad und Gabine sorgund fär viel Komfort und Wohnqualitet. Derzüe treit öi d’Boduheizig und där eigund Wäschturu bii.

4.5-Zimmer-Wohnigä